Liham ni Pag-asa

Para kay Bituin ng tala

Mga salitang tinago,

Pangarap na pinako

 

Sa simpleng pagpikit mo

Ang puso'y nanunudyo

Sa pagdilat ng mata,

Ako'y nalulula

 

Piling mo'y aking tahanan

Pwede ba tayong tumakas sa kawalan?

Kalimutan muna ang lahat,

Tayo naman dapat

 

Sobra na ba,

Kung hihiling ako ng isa pa?

Para sa lubid na 'di mabitawan

Pulang 'di malaktawan

 

Itaas ang baso,

Para sa mga hindi inabot ng dulo

Narito na lang ang aking liham

Salamat, paalam